عن نالا

بنيت نالا بهدف، مو بس عشان أسوي براند.

ما بنيت نالا عشان أسوي براند تجميل ثاني.

بنيتها لأني كنت مؤمنة إن الشفايف تستحق أفضل.

من زمان وأنا أعشق منتجات الشفايف، لكن تعبت من إني أختار بين منتج شكله حلو ومنتج يهتم فعلًا بشفايفي. كنت أبي منتج يسوي الاثنين: يعطي نتيجة حلوة، يكون مريح، ويصير جزء من الروتين اليومي، مو مجرد منتج ثاني يظل بالجنطة.

عشان جذي، صنعت الشي اللي ما قدرت ألقاه.

منتجات تهتم بالشفايف بنفس ما تبرز جمالها. تركيبات تجمع بين العناية والمكياج، من غير ما تتنازل عن الأداء، الراحة أو التجربة.

كل شي بدأ من الفضول.

ساعات من البحث. تجارب ما تخلص. ولحظات هادية قضيتها وأنا أركب التركيبات، أطورها، أفشل وأحاول مرة ثانية.

نالا انبنت من إحساس، استمرارية، ووايد Mood Swings.

ما نصنع أي شي لمجرد إنه يعبي الرف.

كل تركيبة تتطور بهدف.

كل مكوّن لازم يستحق مكانه.

كل منتج لازم يحل احتياج حقيقي.

وكل إطلاق بالنسبة لي شخصي.

أتمنى إن كل منتج نصنعه يكسب مكان دائم بروتينج، ويذكرج إن شفايفج تستحق نفس العناية والاهتمام اللي تعطينه باجي بشرتج.

مع الحب،
نوف